Pormal nang gi-anunsyo sa Department of Transportation (DOTr) nga sila mupasaka’g kaso batok Aleson Shipping Lines tungod sa trahedya nga nahitabo sa Basilan.
Namahayag si DOTr Secretary Giovanni Lopez nga subay sa ilang imbestigasyon, walay pagduha-duha nga nag-operar ang kompanya taliwala sa ilang daghang kalapasan.
Usa sa gikuwestiyon kung nganong nahatagan sa safety certificates ang shipping company taliwala sa ilang seryosong kalapasan sa safety rules.
Mahinumduman nga sa paglunod sa MV Trisha Kerstin 3 kaniadtong Enero 26, 2026 mikalas kini’g labing menos 52 ka pasahero ug tripulante.
Human sa 15 ka adlaw nga imbestigasyon sa Philippine Coast Guard (PCG) ug Maritime Industry Authority (MARINA), ilang nasuta nga adunay overloading sa pasahero ug kargamento sa barko.
Nasuta usab ang kakulang sa kahibalo sa tripulante sa panahon sa emerhensiya. Tungod sa hitabo 8 ka personnel sa Maritime Industry Authority (MARINA) ug 6 ka sakop sa Philippine Coast Guard (PCG) ang pasak-ag kaso ug posibleng malangkat sa ilang puwesto isip silot sa ilang kahiwian
