CAGAYAN DE ORO CITY – Himuan pa sa dugang imbestigasyon sa kapolisan ang nakit-ang patay sa 58-anyos nga lalaki sulod sa pansayan sa lodging house sa Barangay Kauswagan ning syudad.
Kini ang gibutyag ni Carmen Police Station commander Major Mario Mantala Jr bisan kon pasiuna nang nasaysay nga walay foul play sa kamatayon sa biktima nga si alyas Boy Papa nga nagpuyo sa Barangay Balulang ning syudad.
Sa gihimong imbestigasyon sa mga imbestigador ni Mantala sa hitabo,nasugilon sa 20 anyos nga anak sa biktima nga mibati kini’g sakit sa ulo ug tiyan.
Kini ang hinungdan nga mihangyo nga makuha ang iyang tambal aron mapakalma ang gibati niini.
Hisayrang nagbaton sa samad sa agtang samtang nakakulob ang biktima nga gitoohang natumba ug ang lagubo na lang ang nakapatawag sa atensyon sa anak aron kini madiskobre sulod sa gisudlang pansayan.
