Daku ang matigom nga salapi sa gobyerno kung isakripisyo sa matag magbabalaod ang ilang budget allocations para sa nag unang suliran sa nasud.
Nakita ni Atty Oscar Moreno nga kini maoy usa sa pinakadali nga paagi aron mapaspasan ang pag apud sa feul subsidy, ug subsidiya sa katawhan nga maoy una maigo sa domino effect sa pagsamot pagmahal sa presyo sa lana.
Nagtoo si Moreno nga kung buhaton kini sa mga magbabalaod, mas dali mubalik ang pagsalig kanila sa katawhan kay mismo ang presidente na ang mu anunsyo sa ilang sakripisyo.
Nagpadumdum usab si Moreno sa mga magbabalaod nga dili ilaha ang pondo nga ilang gihuptan apan, kwarta kana sa katawhan nga angayan ibalik nila sa katawhan.
Gihagit ni Moreno ang dagkong mga opisyal sa gobyerno hangtud sa mga lokal nga opisyales nga musakripisyo aron maluwas sa krisis ang nasud, ug puy-an ang pilosopiya nga ipalabi ang katawhan.
