Gipasabot sa tigpamaba sa Roads and Traffic Administration (RTA), James Andrade, nga hugot nilang ginapatuman ang balaod sa trapiko, ilabi na sa paglimpyo sa mga sidewalk vendors ug ambulant vendors nga nakalapas sa dalan.
Bisan pa man sa temporaryong suspensyon sa night market, gipunting sa RTA ang paglikay sa trapiko ug dili ang pagbungkag sa mga paninda sa mga vendors.
Matod pa ni Andrade, wala silay mandato nga sila mismo ang mopapahawa o mobungkag sa mga baligya.
Ang ilang buluhaton mao ang pag-clear sa mga lugar nga nakababag aron mahimong parking area ug malikayan ang samok sa kadalanan.
Busa, luwas ang mga vendors, ug ang tumong sa RTA mao ang paghatag og hapsay ug luwas nga dalan para sa publiko. (Jane ABulag)
