Giila ni Charlyn Ramil, secretary general sa Akbayan Misamis Occidental, ang kalainan sa “priority” ug “urgent” atol sa bag-ong pamahayag ni Presidente Ferdinand Marcos Jr., kalabot sa iyang tuyo nga hatagan sa prayoridad ang upat ka dagkong balaodnon sama sa Anti-Dynasty Bill, Partylist System Reform Act, Independent People’s Commission Act ug Cadena Act.
Namugos si Ramil nga dili sila kumbinsido sa mga yawit sa Presidente tungod kay alang kanila, kutob ra sa pasalig ug estorya ang iyang mga gipasigarbo nga reporma para sa nasud.
Gihagit sa Akbayan si Marcos sa tinud-anay nga kabag-uhan ug dili magsige’g binotbot kay hangtud karon, wala pa silay nabati nga “Bagong Pilipinas” nga maoy administration campaign ni Marcos.
Hinoon, kung adunay nabag-o kini mao ang garapal nga pagpangurakot sa mga opisyales sa gobyerno sa kwarta sa katawhan sama sa nahitabong kurapsyon sulod sa buhatan sa DPWH. Lakip sa gusto nga mapatuman sa AKbayan ang Anti-Dynasty Bill
