CAGAYAN DE ORO CITY – Ipalanog sa laing higayon sa grupong Nagpakabana sa Northern Mindanao ang ilang kusganong pagsupak sa presensiya sa puwersang Amerikano pinaagi sa katukuran sa Enhanced Defense Cooperation Agreement o EDCA site facility sa Lumbia Airbase ning syudad ug naval base sa Tagoloan,Misamis Oriental.
Kini alayon sa duha ka adlaw nga aktibidad nga himoon sa grupo nga gisugdan kaganihang buntag sa syudad.
Miingon ang Tess Padla,usa sa convenors sa grupo nga kabahin sa molambigit sa katiguman ang pinangita sa balaod nga kanhi presidential spokesperson Atty Harry Roque;Hakbang ng Maisug convenor Peter La Viña, Herman Laurel,presidente sa Asian Century Philippines Strategic Studies Institute ug pipila ka US-based geo-political analysts.
Siya miingon nga mihimo una sila’g caravan palibot sa syudad ug gilayong gihimo ang katiguman sa usa ka hotel ning syudad.
Bisitahon usab nila ang naval base site sa Tagoloan,Misamis Oriental ayha tapuson ang ilang dakong katiguman sa lungsod sa Maramag,Bukidnon ugmang adlawa.
Nagtoo ang grupo nga madamay ang katawha sa syudad gumikan sa presensiya sa EDCA sites sa Amerika nga dakong gisupak sa China nga karibal sa Pilipinas sa West Philippine Sea claims.
