ESTADOS UNIDOS – Gidepensa ni United States of America Vice President Kamala Harris ang nagtakilid nga re-election bid ni US Pres Joe Biden.
Sa iyang pagtambong sa rally sa Greensboro, North Carolina, iyang gipamugos nga kung si Donald Trump ang mudaug, sigurado nga kontrolon niya ang tibook Estadus Unidos, oras nga siya mahimong diktador.
Gawas kang Trump, miwitik usab sa komento ang bise sa napili nga vice presidental nominee sa 2024 elections.
Miingon si Harris nga sama kang Trump, dili masaligan ang iyang bise presidente nga si Ohio State Senator JD Vance.
Niadto, ilado si Vance nga pinakagahi nga kritiko ni Trump.(Bombo Anne Quileste).
