CAGAYAN DE ORO CITY – Walay ihatag nga bisan gamay nga kumpiyansa ang Armadong Kusog sa Pilipinas sa aspetong seguridad sa ilusad nga unang parliamentary elections sa Bangsamoro Autonomous Region in Muslim/BARMM.
Kini bisan nga walay ilang nakit-an nga kompirmadong kusog ug dakong grupo nga makahimo’g kagubot sa BARMM polls sa Oktobre 13 ning tuiga.
Sa interbyu sa Bombo Radyo,gibutyag ni Philippine Army spokesperson Col. Louie Dema-ala nga walay undang ang ilang koordinasyon sa intelligence community aron malusad ang hiniusang security implementation nga gipangayo sa Commission on Elections kuyog ang Philippine National Police sa piliay sa BARMM.
Matud ni Dema-ala nga subay sa ilang kaugalingong pagtutalimbang sa rehiyon,wala sila’y nakit-an nga seryosong suliran sa hisgutanang seguridad gikan sa mismong campaign period sa Agosto 28 hangtod sa mismong adlaw sa piliay ning tuiga.
Apan adunay standing order na sila gikan sa national headquarters nga magsiguro sa kahapsay alang sa gawasnong pagbotar sa mga botante sa gusto nila nga mapiling BARMM parliamentary officials sa Mindanao region.
Dumduman nga gigamit pa isip usa sa mga rason ni Pres Bongbong Marcos sa pag-oktaba sa piliay sa brgy ning tuiga ang piliay sa Moro region aron maka-pokus ang Comelec ug state forces sa katibuk-ang seguridad sa BARMM polls.
Hisayrang na mismo na ang pinakadakong kanhi Moro rebel groups nga pila ka tuig nga nakiggubat sa gobierno ang molambigit sa ilang eleksyon sa Oktobre 2025.
