Nagakos na’g balik sa inahan ang iyang namingawan nga anak nga si expelled Negroso Oriental 3rd District Congressman Arnie Teves sulod sa headquarters sa National Bureau of Investigation sa kauluhan.
Kini human ang sobra duha ka tuig nga pagkakalagyo kay misibat si Teves gumikan sa pasangil nga siya ang utok sa pagpapatay kang Negros Oriental Gov. Roel Degamo sa munisipyo sa Pamplona sa miaging Marso 4,2023.
Sa pagkasayod sa pamilyang Teves nga dad-on na’g balik ang kanhi kongresista sa Pilipinas gikan sa Timor Leste,mibiyahe usab ang inahan niini aron ikakita ang anak nga pinangita sa balaod gumikan sa mga kasong kriminal.
Sulod ning adlawa,e-presentar ni NBI Director Jaime Santiago si Teves kuyog sa iyang abogado nga si Ferdinand Topacio alang sa mga pangutana sa media sa kauluhan.
Hisayrang namugos si Topacio nga inosente batok sa mga pasangil si Teves sukwahi sa gipamugos sa pamilya Degamo nga hingtungdan sa hitabo.
