Gilunsad ang Association of Southeast Asian Nations (ASEAN) Tourism Road Map 2026-2030, dungan sa nahigayon nga ASEAN Tourism Conference niadtong Enero 29. Kini isip lakang alang sa pagpalig-on sa kooperasyon ug sa long-term nga pag-lambo sa turismo sa rehiyon. Tumong usab niini nga mogama sa mas lig-on, inklusibo, ug competitive nga industriya sa turismo diin naka-sentro ang ‘World Map’ sa lima (5) ka prayoridad: sa resilient tourism, pagpa-kusog sa tourism work force, mas episyente nga pagbiyahe, digital tourism, lakip na usab sa mga produkto ug merkado alang sa turismo. Sukdon ang progreso niini pamaagi sa pagtubo sa ‘international arrivals’, kita gumikan sa turismo, ug sa gasto sa matag-bisita.
