Harmless!Kini ang tubag sa National Auronautics Space Administration o NASA Engineer nga mikompirmar sa pagsulod sa gamay nga asteroid sa kalibutan kagahapong adlawa.
Namahayag si Davide Farnocchia, Navigation Engineer sa NASA’s Jet Propulsion Laboratory nga dili missile o kaso sa pagpangatake sa Rusya ang mitipas sa kawanangan sa miaging gabii apan usa ka gamay nga asteroid nga mitipas sa atmospera sa kalibutan.
Gipamugos ni Farnocchia nga Harmless o walay dalang dakong kadaut ang nakasulod nga asteroid tungod kay wala man kini midagpak sa kayutaan sa Yakutia, Russia.
Kini na ang ika-upat nga asteroid nga mitipas sa ozone layer sa kalibutan ning tuiga. (Bombo Anne Quileste).
