Gipasiugda sa Autism Society Philippines (ASP) VISMIN Chapters ang suporta sa mga lakang sa DEPED alang sa inclusivity sa mga estudyante nga adunay special needs. Sumala ni Jane Ann Gonzales sa ASP, malipayon sila sa pagpraktis sa inklusibong edukasyon ug naghinaot nga ang mga SPED teachers sa nasud mahatagan sa saktong training, ilabi na sa pagtudlo sa mga estudyanteng anaa sa autism spectrum, aron matubag ang ilang espesyal nga panginahanglan.Bisan pa man sa espesyal nga kahimtang sa mga estudyanteng anaa sa spectrum sa autism, butyag ni Gonzales nga kaya gihapon nila nga makaambit sa mga functional skills nga bililhon sa katilingban.
