CAGAYAN DE ORO CITY, Philippines – Dili na makagawas sa pasilidad sa Bureau of Jail and Management Penology sa Bukidnon, ang babaye nga dalaw human nasapon nga nagbitbit sa gitoohang shabu sulod sa pasilidad.
Namahayag si Police Regional Office (PRO-10) Spokesperon Police Major Joann Navaro nga ang suspek misulay sa pagpayuhot sulod sa BJMP-Bukidnon, dala ang 1.2 gramo sa pakete sa shabu.
Estimated market value sa druga mukostar sa kapin 10,500 pesos.
Una niini, nagtoo ang mga jail officer nga makapila na kini nga modus sa suspek ug kaganina, wala na kini maka-transact pa sa mga piniriso sulod sa pasilidad, dihang nasanta sa holding area sa pasilidad.
Nagdumili ang suspek sa pagbutyag kung kinsa ang iyang mga suki sulod sa pasilidad ug kung kinsa ang iyang supplier.
Tungod sa hitabo, gi-andam na sa BJMP-Bukidnon ang Oplan Galugad aron susihon ug kompiskahon ang mga drugas ug uban kontrabando nga anaa sa posisyon sa mga inmates.
Kasong pagsupak sa RA 9165 o Dangerous Drugs Act of 2002 ang gipasaka batok sa suspek.
