Na “hurt” ang bag-ong gikoronahan nga Miss Universe Philippines 2026 nga si Bea Millan Windorski human nakasinati dayon siya sa pagbully gikan sa social media netizens nga wala mi-angay kaniya isip bag-ong reyna sa organisasyon.
Mi-angkon si Bea nga wala siya magdahum nga i-bash dayon ang iyang pisikal nga panagway human sa coronation night ug lakip na ang mga nagkatag niya mga mga hulagway sa pageant.
Usa sa nakapasakit kaniya mao ang pagsulti nga siya taas ug suwang.
Taliwala sa gamay nga pagmahay gikan sa mga netizens, mibutyag si Bea nga nakakuha siya sa inspirasyon gikan sa kasamtangang Miss Universe 2025 nga si Fatima Bosch nga maoy midasig kaniya nga barugan ang tanan kasakit ug kakulian ug maisogon kining atubangon bisan unsa pa ka kontrobersyal o bug-at ang kritisismo.
Sa pagkakaron, miingon ang rayna nga nakat-unan na niya ang pagdawat sa mga butang nga dili na niya mabag-o sa iyang kaugalingon, sama sa iyang suwang ug gihimo niya kini nga kusog aron mas mapalig-on ang iyang pagsalig sa kaugalingon.
