Mogamit na sa bag-ong komprehensibong taktika si Pres Bongbong Marcos sa pakig-away batok sa mga sindikato nga utok sa pagkayla sa gidiling droga sa nasud.
Kini human gipatawag ni Marcos sila PNP chief Gen Rommel Marbil,PDEA Director General Moro Lazo ug ubang kadagkuan sa gobierno sa Malakanyang kabahin niini.
Miingon si DILG Secretary Jonvic Remulla nga gusto ni Marcos nga maoy sentro sa pagpu-o ang pinaka-tinubdan sa illegal nga droga ug dili kutob lang sa street pushers.
Siya miingon nga gipalig-on gihapon ang kampanya kontra illegal nga droga apan minusan ang pagpatay sa mga suspek nga nalambigit niini.
