CAGAYAN DE ORO CITY – Nalubong na ang bana samtang kamulo na gihaya ang asawa ug pabiling missing pa ang ilang 3-anyos nga anak epekto sa pagkahugno sa yuta dala sa grabeng pag-ulan sa Sitio Minalong,Barangay Kahusayan,Kitaotao,Bukidnon.
Kini ang gibutyag ni Jephrie Sotto,operation team leader sa Kitaotao MDRRMO nunot sa pagka-rekober na sa patay’ng lawas sa magtiayong sila Ryan ug Echel Cortez sa magkalahing lokasyon.
Namahayag si Sotto nga unang narekober nga wala na’y kinabuhi si Echel sa suba sa Kabakan,North Cotabato samtang ang iyang bana nga si Ryan sa gamay’ng sapa sa Brgy Tandong,Kitaotao.
Dugang ni Sotto nga napugos na sila paglubong kang Ryan kay ubos na kini sa state of decomposition dihang narekober gikan sa pagkaanod sa tubig-baha.
Gihunong na usab ang search ud retrieval operation sa mismong landslide area kay nahurot na nila’g kalot ang nahugnong mga yuta apan wala pa gihapon nila nakit-i ang patay’ng lawas sa 3 anyos nga bata sa magtiayon.
