CAGAYAN DE ORO CITY – Gihimuan pa sa subsob nga imbestigasyon sa kapolisan ang kamatayon sa babaye’g lalaki nga nakit-ang patay diin gipanggapos ang mga kamot ug gipangtaptapan ang baba gamit ang ‘tape’ sa Purok 17,Oadi,Brgy San Jose,Quezon,Bukidnon.
Sa pasiunang pakisusi sa kapolisan, nagbaton sa daghang samad dinunggaban ng mga biktima nga posibleng rason sa kamatayon niini.
Gibutyag ni Bukidnon Police Provincial Office Director Col. Jovit Culaway nga gitahasan niini ang hingtungdang estasyonan sa kapolisan aron mahimuan sa dugang pakisusi ug matumbok ang mga biktima.
Nakasul-ob ang wala pa ilhing lalaki sa t-shirt ug shortpants ug kombinasyon sa pula’g green ang babaye nga nakasul-ob gihapon ng pantalon.
Giba-bana nga anaa sa 20-25 anyos ang mga biktima nga gipangdala sa punerarya arn maatiman ug makuha sa mga tatungod niini.
