CAGAYAN DE ORO CITY, Philippines – Mihimo’g kasaysayan si US President Joe Biden sa Amerika, bisan anaa na sa hinapos nga bahin sa iyang termino.
Kagahapon, pormal nang nangayo’g pasaylo si Biden sa nahitabong pagpangabuso sa tanang Native American sulod sa mga boarding schools.
Miingon si Biden nga daghan administrasyon ang nanglabay apan pabiling tig-a ug walay pag-angkon sa dautang epekto sa racial discrimination sulod sa mga tunghaan sa mga nitibo.
Mi-angkon si Biden nga bisan naabtan pa’g 150 ka tuig ang pagkumkom sa kalagot ug pagkastigo sa mga Native Americans batok sa mapahitas-ong nga mga kaliwatan-puti, gusto niyang mapali ang dakung samad nga naglimin sa ilang kasing-kasing.
Gihimo ni Biden ang pormal nga pagpangayo’g pasaylo sa pagbisita niya sa Gila River Indian Community sa Arizona.
Una niini, gipasigarbo ni Biden nga siya pa ang labing unang presidente sa Amerika nga mihimog diplomatic visit sa usa ka tribal nation, sulod sa iyang upat ka tuig nga dumala sa ilang nasud.
Gi-awhag sa presidente ang mga pamilyang naapektuhan sa bugnaw nga tratamento kanila sa nanglabay nga mga administrasyon, ug mag hinay hinay sa pagmove on.
