Nagka-estorya na sila ni US Pres Joe Biden ug Israeli Prime Minister Benjamin Netanyahu kabahin sa nagka-grabeng tension sa Middle East.
Kini human ang pila ka semana nga pagdistansya sa duruha tungod sa naghinobrang opensibang military sa Israel batok sa mga kaaway niini nga nagtago sa Gaza, Lebanon ug bisan sa Iran.
Miingon si White House spokesperson Karine Jean-Pierre
nga mismo si Biden ang nanawag kang Netanyahu apan wala na isulti niini kon unsa ang mga butang nga ilang nasabutan.
Una ang nakatilaw sa pagbatikos sa Amerika ang alyadong nasud Israel kay daghang mga sibilyan ang nadamay sa ilang pag-atake sa maong mga nasud.
