Mas mikusog pa ang panawagan nga tangtangon sa pagka-presidential nominee si US President Joe Biden sa partido Democrats.
Ang panawagan nagsumikad sa paglampaso ni Republican presidential aspirant Donald Trump kang Biden sa ilang unang hugna sa debate.
Namahayag si US Political Analyst Larry Sabado nga ubay-ubay na sa mga supporters ni Biden ang nagpalanog nga siya hulipan sa mas kusog nga kandidato.
Miingon si Sabado nga may taas nga tsansa nga mahulipan si Biden kung siya mismo ang mu-withdraw sa iyang kandidatura sa ilasad nga Democrat Convention sa Agosto.
Lakip sa duha ka labing kusog nga pilian mao sila Vice President Kamala Harris ug California Governor Gavin Newsom nga pulos midepensa kang Biden, dihang gilampurnas ni Trump.
