CAGAYAN DE ORO CITY – Midako pa ang tsansa ni Democrats Presidential Nominee Joe Biden nga makuha niini ang kadaugan pagka-presidente batok US Pres Donald Trump.
Kini human nagkinahanglan na lamang sa duha ka estado nga angay daugon ni Biden aron makuha ang 270 electoral votes batok kang Trump.
Si Biden nagbaton na sa 264 ka electoral votes samtang si Trump 240 diin giilugan nila ang mga estado sa Nevada ug Arizona.
Una nang mi-deklara si Trump nga siya gihapon ang midaug apan modangop sa korte suprema tungod sa pagpanikas sa grupo ni Biden sa eleksyon.
Dugtong niini,nagtoo si Australian Prime Minister Scott Morrison nga dakong buhi ang demokrasya sa Amerika tungod sa maisugong pagpadayag sa katawhan sa ilang kagustuhan sa kandidato nga modaug sa piliay.
Dugtong niini,katunga pa sa mga balota ang nabasa sa COMMONWEALTH sa estado sa Illinois,Estados Unidos.
Gibutyag kini ni Isaac Neri, Bombo International News Correspondent sa Chicago.
Segun ni Neri nga posibleng maabtan pa sa sunod semana mahuman ang manual nga ihap ug double checking sa mga mail in ballots sa ilang dapit.
Sa kasamtangan,nagbaton si Joe Bidden sa 55.3% votes itandi sa 42.8% nga popular votes ni Trump.
Una niini, nagtoo si Neri nga liyamado gihapon si Biden kung hisgutan ang kasamtangan ihap sa mga nagbotar kang Trump gikan sa 50 ka estado sa Amerika.
Samtang mihimo’g lihok protesta ang mga suporter ni Biden sa estado sa Illonois.
Gibutyag ni Randy Famacion, Bombo International News correspondent sa Chicago, Illonois nga maoy tumong sa mga suporter ni Biden ang pagpanawagan nga kinahanglang ipadayon pag-ihap sa mga balota bisan sa laraw nga kampo ni US Pres Donald Trump ang ipaundang kini.
Gibutyag ni Famacion nga bisan sa pagtapok sa mga tawo, hugtanon gihapon niining gisunod ang health protocol sama sa pagsul-ob sa facemask.
Sa pikas bahin,gipamatud-an sa mga botante sa Los Angeles California nga hapsay ang ilang pag-obserbar sa 2020 Presidential Elections sa Amerika.
Gibutyag ni Luz Pangan,Bombo International News Correspondent sa California nga walay mga rally nga gilusad ang kampo ni Trump kay baluwarte kini sa Democrats .
Gani,sa kasamtangang ihap sa popular votes layo ang ihap sa mga mibutar kangBiden nga mitala sa 2 milyon itandi sa kapin 800mil ka mipabor kang Trump.
Una niini, gikompirmar ni Pangan nga dunay mga lihok protesta nga hitabo sa Chicago, Illinois human misupak ang mga suporter ni Trump sa turnouts sa botasyon nga halos mipabor kang Biden.
