CAGAYAN DE ORO CITY, Philippines – Nangharus sa medalya ang US-based pinay swimmer sa gilusad nga 18th Singapore Open Artistic Swimming Championships sa Singapore Aquatic Center, karong hapon.
Nadag-an ni Georgia Francesca Carmina Tan ang tolo ka medalya nga gilakipan sa usa ka bulawan sa Solo Free Group C Open Seniors class, pinaagi sa iyang 96.6370 points.
Iyang napukan si Shashani Fernando sa Sri Lanka nga mikab-ot lamang sa 95.3589 puntos.
Laing silver medal ang iyang nabulsa sa Solo Tech Group C (15-19 Juniors) pinaagi sa iyang 187.4137 points.
Samtang bronze medal ang iyang nadag-an sa Solo Tech Group D (Open Seniors) pinaagi sa iyang 130.9950 points.
Gikalipay ni swimming coach Giella Sanchez ang kadaugan 16 anyos nga pinay kay segurado na ang iyang pagtambong sa laing swimming camp nga ipahigayon sa Thailand.
