Gibulgar ni kani DPWH Bulacan Assistant District Engineer Brice Ericson Hernandez sa House hearing nga sila Senador Jinggoy Estrada ug Senador Joel Villanueva giingong nakadawat sa kickbacks gikan sa mga flood control projects nga gipatuman sa ilang mga distrito.
Mitug-an si Hernandez nga si Estrada nag-apod sa P355 milyon nga pondo alang sa mga proyekto sa Malolos, Hagonoy, ug Calumpit, samtang si Villanueva nag-apod sa P600 milyon alang sa Balagtas ug Bocaue, Bulacan, nga iyang kaugalingong hometown.
Gibutyag ni Engr Hernandez nga nakadawat sa 30% nga “SOP” o komisyon gikan sa kantidad sa proyekto, ug gi-deliver sa ilang mga puy-anan pinaagi sa mga staff sa DPWH.
Gitudlo usab ni Hernandez si kanhi District Engineer Henry Alcantara isip “chief implementor” ug bagman sa mga senador sa iskima.
Si Engineer Alcantara nga ilang gitawag nga “boss” nakadawat usab sa 3% ug nangayo pa sa dugang 2% nga “finder’s fee” sa mga kontraktor.
Una niini, mihangyo si Engr Hernandez sa Tri Committee nga dili na siya ipabalik sa senado tungod sa iyang seguridad ug seguridad sa iyang pamilya human niya nanganlan ang mga nalambigit nga mga senador.
Kahinumduman nga cited-in-contempt si Hernandez sa Blue Ribbon Committee hearing human kini mabantayan nila senador Erwin Tulfo, Senador Rodante Marcoleta ug Jinggog Estrada nga adunay gitaguan nga mga impormasyon
