CAGAYAN DE ORO CITY – Nakasinati sa duha ka managsunod nga pagtay-og ang syudad sa Cagayan de Oro, karong buntag.
Namahayag si Region-10 Philvolcs Director Marcial Labininay nga intensity 1 ang nasinatian sa syudad.
Nabati ang ikaduhang aftershock alas 8:57 ang takna sa buntag.
Namugos si Labinay nga tipik lang kini sa mga aftershocks nga nasinatian sa 5.6 magnitude nga linog sa South Cotabato, kagabie.
Samtang base sa website sa Earth Report ug Volcano Discovery natala ang 4.8 magnitude nga linog bandang 8:32 sa buntag.
Ang epicentro sa linog natala sa 18 kilometros ang gilay-on sa Kasadpang bahin sa Makilala, North Cotabato.
Nasundan kini sa 3.8 magnitude bandang 8:57 ang takna sa buntag, karong adlawa.
