CAGAYAN DE ORO CITY, Philippines – Paningkamutan sa North Atlantic Treaty Organization (NATO) nga dili na masubli ang duguong atake nga gisugdan ni Russian President Vladimir Putin sa Ukraine.
Ning adlawa, gitagbo ni NATO Secretary General Mark Rutte si Ukrainian Defense Minister Rustem Umerov aron hisgutan ang gipalig-ong military support sa Kiev Government taliwala nga nagpadayag na si US President Donald Trump nga pulos misugot sila Ukraine President Volodymr Zelenskyy ug Putin sa pagbalik sa negotiating table alang sa usa ka mahinungdanong peacetalks.
Sa press conference gitin-aw ni Rutte nga dili mutugot ang NATO nga makakuha sa usa ka kilometro kuwadrado, o usa ka milya kuwadrado su Putin gikan sa teritoryo sa Ukraine.
“We cannot have Putin again trying to capture a square kilometer, a square mile of Ukraine in the future”, ingon ni Rutte
