CAGAYAN DE ORO CITY, Philippines – Gawasnon na sa paggamit sa ventilator machine si Pope Francis.
Kini maoy labing lab-as nga medical bulletin nga gi-report sa Vatican Press Office ug opisina sa Holy See karong buntag, oras dinhi sa Pilipinas
Sumala sa report, gitangtangan na ang santo papa sa mechanical ventilation human mibalik na sa normal ang iyang pagginhawa.
Miingon ang Vatican nga nagpakita na si Pope Francis ug daghang timailhan sa pagka-ayo human siya maigo sa double pneumonia.
Una kining nasulod sa Rome’s Gemelli hospital tungod sa severe respiratory infection, niadtong Pebrero 14.
Apan, bisan pa man nga stable na ang iyang kondisyon, ang mga doktor nagpadayon sa paghatag kaniya ug oxygen support pinaagi sa usa ka gamay nga hose ilalom sa iyang ilong.
Ang Santo Papa nagpadayon sa pagdawat ug mga bisita samtang gipadayon usab niya ang iyang mga responsibilidad sulod sa hospital.
Usa sa iyang pinaka-lab-as nga mensahe mao ang pagpadayon sa pag-ampo alang kaniya ug pag-ampo alang sa kalinaw sa Ukraine ug sa tibuok kalibutan.
