CAGAYAN DE ORO CITY – Nagtoo ang grupong Citizens Watch for Good Governance 10 nga maglisod maka-first base ang pasangil sa taktak sa trabaho sa Department of Education nga si kanhi Undersecretary Gloria Mercado nga bribery issue batok kang Vice Pres. Sara Duterte.
Kini human unang giakusar ni Mercado nga anaa sa halos napulo ka sobre nga may sulod tag-50-mil pesos nga salapi nga giingong gihatag gikan sa opisina ni Duterte dihang nagsilbi pa nga kalihim sa DepEd.
Miingon si CWGG 10 convenor Atty. Antonio Soriano nga daghang kuwestiyon kabahin sa expose ni Mercado ilabina nga napapha kini sa DepEd tungod sa seryoso usab nga anomaliya.
Kini ang rason nga miingon si Soriano nga alang kanila nga mga abogado,lisod tuhuan ang bribery issue nga gigamit sa kamarabaha batok kang Duterte.
Apan tungod sa politika,mahimong matuman sa kamarabaha ang kagustuhan nila batok sa bise-presidente.
Kini ilabina nga dugay nang gitoohan sa publiko nga mani-obra ni House Speaker Martin Romualdez nga i-agaw ni Pres Bongbong Marcos nga gub-on ang pagkatawo ni VP Sara kay dakong bahad sa 2028 elections.
Dumduman nga sa wala pa hingpit napasar ang sobra P6- trillion nga 2025 national budget sa kamarabaha,namahayag na ang mga alyado ni Romualdez nga ‘betrayal of public trust’ daw ang wala pagtunga ni Sara aron unta pag-edepensa ang iyang gipangayo nga P2.2 B nga badyet.
Apan sulti ni Soriano nga mahimong molampos pagpalagpot ang kamara kang VP Sara apan walay tsansa nga kini palutson sa mga senador.
Kini tungod kay daghan sa mga senador sa senado ang suportado pa gihapon ang mga Duterte.
Hisayrang daghang kontrobersya ug mga isyu si kanhi Pres Rodrigo Duterte sa iyang termino apan nahuman niini ang pag-serbisyo nga pabiling taas ang public trust rating itandi sa tanang mga nahimong mga pangulo sa nasud.
