Pirmado na ni Pres Bongbong Marcos ang balaodnon sa kamara ug senado nga nagtinguha pagsibog sa Brgy ug SK Elections sa Disyembre 1 ning tuiga ngadto sa Nobyembre 2026. Kini subay sa gipahibalo ni Executive Secretary Lucas Bersamin sa katawhan.
Giuyunan ni Marcos ang maong lakang haom sa gihimong mga argumento sa mga magbabalaod alang sa nahisgutang katuyuan.
Dumduman nga unang namahayag si Marcos nga angay lang masibog ang eleksyon kay anaa sa grabeng pagpangandam ang Commisson on Elections alang sa unang parliamentary elections sa Bangsamoro Region ning tuiga.
Tuyo usab sa pagsibog sa eleksyon kay doble ang gasto sa gobierno kay bag-o pa ang midterm elections.
Hisayrang gihulat ang pagpirma ni Marcos sa balaodnon sa BSKE postponement sa Malakanyang kagahapon apan wala kini gipakita ug hinoon ang National Expenditure Program presentation o NEP ang nasaksihan sa publiko.
