Mipasidaan ang Cagayan de Oro City Information Office (CIO) publiko batok sa nagkuyanap nga fake social media pages nga nagpagula sa malisyoso ug sayop nga impormasyon tali sa kalihukan sa kasamtangang administrasyon ni City Mayor Rolando Klarex Uy ug sa mga proyekto nga aktibong gipadagan niino.
Namahayag si Jade Adeser, Acting City Information Officer nga klaro ang tumong sa mga pekeng posts, ug kini nagpunterya sa pagdaot sa Mayor ug sa tibuok burukrasya sa City Hall pinaagi sa pagpakatap sa misleading nga impormasyon. Giawhag karon sa CIO ang mga netizens nga i-verify una ang source sa bisan unsang post sa social media, ayha i-share ang post aron maputol ang sistematikong pagpakuyanap sa sayop nga mga impormasyon nga makadaut sa imahe sa dakbayan sa Cagayan de Oro. (JAMES OLIVER)
