CAGAYAN DE ORO CITY-Nganlan na ni Presidente Rodrigo Duterte molangkob sa Bangsamoro Transition Authority o BTA magsilbing interim govt sa pagdumala sa Bangsamoro Autonomous Region in Muslim Mindanao o BARMM.
Kini human hingpit nang gi-ratify sa Commission on Elections o Comelec ang Bangsamoro Organic Law diin unang giagi sa plebisito ang mga probinsya ug mga syudad nga laraw masulod niini.
Miingon si Comelec chairman Sharif Abbas nga bugtong nadugang sa teritoryo sa BARMM ang Cotabato City ug 63 ka brgy sa North Cotabato samtang dili makauban ang Lanao del Norte.
Gitakdang mangulo sa BTA si MILF chairman Alhadz Murad Ebrahim nga magsilbi nga interim chief minister sa Bangsamoro govt.Samtang wala nay makapugong sa oath-taking sa mga opisyales sa Bangsamoro Transition Authority sa Malakanyang.
Gibutyag ni MILF peace implementing panel chief Mohaguer Iqbal nga wala pa’y insaktong petsa kon kanus-a ipahigayon ang oath-taking hangtud nga dili pa mapirmahan ni Duterte ang appointment papers nga molangkob sa Bangsamoro govt.
Namahayag si Iqbal nga kon mapirmahan na ni Duterte ang mga dokumento hayan magbaton na sa adlaw kon kanus-a mahitabo ang oath-taking.
Samtang dili pa makompirmar sa MILF ang paglakip ni Abdullah Makapaar alyas Kumander Bravo sa hatagag position sa Bangsamoro Transition
Authority.
Gibutyag ni Iqbal nga adunay 41 ka indibidwal sa ilang sakop nga gikatakdang maggunit og position sa bag-ong Bangsamoro region
apan dili pa masiguro kung apil ba niini si Bravo.
Hisayran nga una ng milugwa ang report nga hatagan sa position si Bravo sa BARMM aron pamatud-an nga dili lamang puro kagubot ang anaa sa hunahuna niini.
