Ipadayon sa Bukidnon’s pride nga si Melvin Jerusalem ang iyang professional boxing stints sa dili pa matapos ang tuig.
Kini human dunay laing title defense fight nga giplantsa alang kaniya apan wala pay detalye nga mahatag ang iyang promoter.
Sa exclusive interview sa BOMBO RADYO, gipasalamatan ni Jerusalem ang iyang suporters human niya nadag-an ang unanimous decision sa gilusad nga dinhi sa Pilipinas ang World Boxing Council o WBC world strawweight fight batok Mexican challenger Luis Castillo sa kauluhan Dominggo sa gabii.
Una niini, mi-angkon si Jerusalem nga gamay ra ang prize money nga iyang nadag-an kay dinhi man sa nasud gipahigayon ang away.
Kasamtangang gihuptan ni Jerusalem ang bakos sa World Boxing Council mini-flyweight title nga una niyang nadag-an sa Marso 2024 ug ang iyang World Boxing Organization mini-flyweight title nga nahuptan niadto pang 2023. (Bombo Anne Quileste).
