CAGAYAN DE ORO CITY – Milihok na ang intelligence operatives aron tultulon ang gitaguan sa duha ka armadong suspek nga mitulis sa hub sa J & T Express sa lungsod sa Tagoloan,Misamis Oriental.
Kini human unang gisuklan sa sekyu nga 65 anyos nga si Isidro Gonzalo Jr ang mga tulisan rason nasamad ang iyang dagway ug bukton.
Namahayag si Tagoloan Police Station commander Captain Rexson Layug nga wala nila wad-a ang posibilidad nga dugay nang naniid ang mga suspek ayha nila lusuba ang business hub sa maong kompanya rason natulis kini sa sentro sa lungsod sa kagabii.
Hinoon,dili ra peligro ang kahimtang sa biktima nga taga- Purok 1,Brgy Poblacion,Lagonlong,Misamis Oriental.
Hisayrang paspas mikagiw ang mga wala pa mailang suspek palayo sa crime scene nga sakay sa motorsiklo. (Photo:CTTO)
