Gisaway sa usa ka opisyal sa Malacanang ang dayag nga pagsuportar sa duha ka senator judges kang Vice President Sara Duterte.
Sa press briefing, nagpahinumdom si Palace Press Officer Atty. Claire Castro sa mga senator-judges sa ilang tahas nga mapabiling “neutral” ilabe nga sila ang mudungog sa kaso sa bise presidente.
Namugos si Castro ang pagka-bayas sa pipila ka senador muhatag sa dakung kadaut sa imahe ug integridad sa ilang institusyon. Mahinumduman nga dayag ang pagsuporta ni Senador Robinhood Padilla ug Imee Marcos sa pagbasura sa impeachment case ni Vice President Duterte.
Si Padilla una nang namahayag nga aduna siya ipada nga resolusyon kun ugaling mutabok sa ika-20 nga kongreso ang impeachment case sa bise.
Samtang ang igsoon ni Presidente Bongbong Marcos nga si Imee, gidagnayan na’g “dakilang alalay” ug ikog sa bise presidente tungod sa iyang pagsunod ug pag-uban sa mga foreign trips ni Duterte.
Pinakaulahi mao ang pagbisita ni VP Sara sa Malaysia, kundiin kuyog iyang delegado si Senador Marcos.
