CAGAYAN DE ORO CITY – Abante na sa laing round sa dulang boxing ang garbo sa Cagayan de Oro ug Bukidnon sa nagpadayong 30th SEA Games didto sa kauluhan.
Kini human napukan ni Carlo Paalam via unanimous decision ang boksidor sa Lao nga si Khamphouvanh Khamsathone sa 49 kilograms Light Flyweight match nga gipahigayon Pasay City kagahapong adlawa.
Nagpasalamat ang boksidor sa init nga suporta sa iyang pamilya ingon man sa mga taga-Cagayan de Oro ug Bukidnon ilabina kang City Mayor Oscar Moreno.
Dugtong niini, gipasalig ni Paalam nga iyang paningkamutan nga makuha ang silver medal diin maoy iyang ikaatbang ang boksidor sa Malaysia nga kanhi mipildi kaniya sa 2017 SEA Games.
Hisayran nga midaug usab ang laing garbo sa Cagayan de Oro nga si Josie Gabuco via split decision kontra Thailand ingon man si Aira Villegas 3rd round via unanimous decision kontra Lao.
