Gikabalak-an karon sa mga eksperto sa Amerika ang migawas nga pagtuon sa journal nga Nature mahitungod sa nagkadaghang kaso sa injury sa mata gumikan sa pagdula og pickleball.
Sumala ni Dr. Andrew Lee, usa ka neuro-ophthalmologist, kasagaran sa mga biktima mao ang mga bag-ong magduduwa nga mga edaran na nga wala pa kaayo’y igong kasinatian sa maong dula.
Giila nga nag-unang hinungdan sa maong disgrasya mao ang kakuwang sa proteksyon sa mata ug ang pagka-kampante sa mga players samtang anaa sa sulod sa korte.
Gipasabot sa maong report nga tungod sa kapaspas sa bola ug sa kaduol sa net, dako ang tsansa nga maigo ang mata kon dili magsuot og polycarbonate safety goggles.
Tungod niini, hugot nga gipahimangnoan ang publiko nga dili ibalewala ang safety gear aron malikayan ang seryosong kadaot sa panan-aw samtang naglingaw-lingaw sa sports. (phillip ariata)
