Gisuspenso og tulo ka duwa nga walay suweldo sa National Basketball Association (NBA) ang guard sa Houston Rockets nga si Marcus Smart tungod sa pagsumbag niya sa nawong sa forward-center sa Golden State Warriors nga si Charles Bassey, sumala sa pahibalo sa liga.
Nahitabo ang insidente sa nahibiling 21 segundos sa ikatulong kuwarter sa duwa niadtong Miyerkules, Nobyembre 11, diin gipildi sa Rockets ang Warriors, sa iskor nga 115-108, didto sa Toyota Center sa Houston.
Gihatagan si Smart og Flagrant Foul 2 ug gipagawas sa duwa.
Gipahibalo ni NBA Executive Vice President of Basketball Operations James Jones nga nagsugod si Smart sa pagserbisyo sa iyang suspensiyon karong Biyernes, Nobyembre 13, sa pagdawat sa Rockets sa Utah Jazz.
Human sa duwa, miingon si Bassey nga wala siya natingala sa gibuhat ni Smart ug nagtuo siyang gituyo sa maong magdudula nga mapagawas sa maong duwa. (raniel mahunyag)
