Gidayeg ni Gordon ang mga blood donors nga iyang gitawag nga mga “bayani sa modernong panahon” tungod sa ilang walay hunong nga pakighiusa sa mga makahuluganong proyekto nga makaluwas og kinabuhi.
Gipahinumdom usab niya nga ang matag tulo sa dugo nga ipaambit mahimong makasumpay sa kinabuhi ni bisan kinsang kabanay, higala, o bisan sa mga wala mailhi sa panahon sa emergency ug grabeng balatian.
Unsaon Pag-apil o Pagsuporta sa Blood Donation?
1. Regular nga Pagdonar: Mahimong magdonar sa dugo matag tulo ka bulan (90 ka adlaw) ang usa ka himsog nga indibidwal.
2. Pag-organisar sa blood Drive sama sa Dugong Bombo: Pagpasiugda og blood donation campaign sa komunidad, eskwelahan, o trabahoan kauban ang Philippine Red Cross o mga lokal nga ospital.
3. Pagpakaylap sa Impormasyon: Pagpahibalo sa uban mahitungod sa kaayohan ug kamahinungdanon sa pagdonar og dugo aron mawala ang kahadlok o sayop nga pagtuo sa uban.
