CAGAYAN DE ORO CITY- Midusog resolusyon ang Committee on Police, Fire and Public Safety sa konseho ning syudad nga nag-request sa Police Regional Office o PRO-10 nga hulipan na si Police Col. Nelson Aganon isip director sa Cagayan de Oro City Police Office o COCPO.
Miingong si Kag Romeo Calizo, chairman sa komitiba nga kabahin usab sa iyang gi-request nga hatagan ang syudad sa “best qualified” nga klase sa opisyal nga mohupot sa maong posisyon.
Dugang ni Calizo nga dili maayo nga magdugay ang COCPO-officer-in-charge nga si Police Lt Col Reynante Reyes kay limitado lamang ang responsibilidad ug decision-making niini.
Hisayran nga kasamtangang nagpaalim pa sa ospital si Aganon human ma-aksidente sa giapilan nga motorcycle course diin nakaangkon kini’g blood clot sa iyang ulo.
Santang suportahan sa COCPO ang bisan kinsa nga opisyal nga mohulip kang Aganon isip City Police Director.
Sumala ni COCPO spokesperson Police Lt.Col Mardi Hortillosa nga maoy ilang gilauman nga mamintinar sa mohulip ni Aganon ang peace and order sa syudad. Apan gitin-aw ni Hortillosa nga nag-depende kini sa leadership style ug diskarte sa matag lider.
Gipasalig ni Hortillosa nga ihatag ang ilang tabang ug suporta sa bag-ong mahimong city director sa dakbayan.
