Napukaw ang kasuko sa mga miyembro sa Cagayan de Oro Evangelical Council sa lapad nga kurapsyon sa Department of Public Works and Highways (DPWH) Flood control projects sa Bulacan. Gibutyag ni Pastor Jeff Baconga, Chairman ug Bishop sa CdO Evangelical Council nga mibati sa tumang kahiubos ug insulto ang ilang mga miyembro tungod kay sila usab, mga tax payers, ug nabulsa lang kini sa kawatan nga mga trabahante sa DPWH kuyog ang mga konsabo nga mga kontratista ug pulitiko nga misakay sa kickback sharing sa ahensya. Gani, mikutlo pa sa pipila ka basahon sa bibliya si Baconga aron padumduman ang mga kawatan nga mga opisyales ug ang katawhan Pilipino nga dili mawad-an sa paglaum alang sa kabag-uhan ug kinahanglan mu-angkon sa kasal-anan ang mga nakalapas sa balaod.
