CAGAYAN DE ORO CITY-Gisusi sa Regulatory and Complaint Board o RCB ang pagmonitor sa mga motel ug hotel alayon na sa kasaulugan sa Valentines Day ning adlawa.
Tumong niini nga maseguro nga limpyo ug walay mga menor de edad ang makasulod sa mga patigayon.
Sumala ni RCB chairman Atty Egay Uy nga prayoridad nila nga malikay ang mga menor de edad nga mabiktima sa mga child trafficking ug prostitusyon.
Gani, maoy nabantayan ni Uy nga walay mga separate logbook ang pipila sa mga lodging houses alang sa mga menor de edad. Una niini,
giisyuhan na’g notice of violation ang mga patigayon nga wala makasunod sa ilang mga gabayan.
Samtang nabutang sa ika duhang pwesto ang Region 10 sa pinakadaghang kaso sa teenage pregnancy sa tibuok nasud.
Gibutyag ni Commission on Population Regional Director Jerry Gupit nga base sa bag-ohay lamang nga milugwang survey sa National Demographic Health Survey nga nakaangkon ang rehiyon sa 14.7% ang naburos nga nag edad sa 15 ngadto 19 anyos.
Miingon si Gupit nga ika duha kita sa Davao region nga nagbaton sa 17% sa miaging tuig.Una niini,gitudlo ni Gupit nga ang social media nga usa sa mga hinungdan sa pagdaghan sa teenage pregnancy sa nasud.
Gibutyag ni Gupit nga base sa Young Adult Fertility study migula nga nag-una sa listahan ang peer pressure nga maoy hinungdan sa pagsaka sa mga kabataan ang naburusan.
Miingon si Gupit nga ikaduha niini ang social media nga maoy nakapadani sa kabataan nga sudlan ang early sexual intercourse.
