CAGAYAN DE ORO CITY-Nasuta sa Security and Exchange Commission o SEC en banc nga ilegal ang pagpangulekta sa Kabus Padatoon o KAPA International Ministry Incorporated sa monetary donations gikan sa ilang mga na-recruit sa nagkadaiyang bahin sa Mindanao.
Kini human masuta sa ahensiya nga may nahimong kasupakan ang KAPA kinsa gipanguluhan ni Joel Apolinario diin ilang gipasaligan sa 30 percent return of investment ang ilang mga kliyente hulip sa ihatag nga kwarta isip donasyon sa ilang grupo.
Si SEC- 10 officer-in-charge Atty Frederick Enopia miingon nga ang pagpaggawas sa cease and desist order batok KAPA ang resulta sa pila ka bulan imbestigasyon base sa reklamo sa ilang mga kliyente.
Samtang gipahimangnuan ni Enopia ang publiko nga dili na magpailad sa Kabus Padatoon International Ministry Incorporated pinaagi sa pag-invest sa ilang kwarta.
Sumala ni Enopia nga illegal ang aktibidadis nga gihimo sa organisasyon.Asoy niini nga dili makatabang ang SEC sa pagbawi sa kwarta nga ilang gi-invest sa KAPA.
Una nang gibutyag ni Enopia nga maglisod ang KAPA pagtuman sa gipangayo nga requirements sa ilang head office aron mawagtang ang cease and desist order nga gipahamtang batok sa maong organisasyon.
