CAGAYAN DE ORO CITY – Gihikay na ang patong patong nga kaso batok sa usa ka chief brgy. tanod nga namusil sa Brgy. Kapitan ug miunay pagsunog sa iyang payag sa Upper Brgy Dayawan, Villanueva, Misamis Oriental.
Gibutyag ni Villanueva Municipal Police Station commander Police major Rogelio Manalang nga kasong 2 counts frustrated murder, arson ug illegal position of firearms ang ilang ipasaka batok chief brgy. tanod Pepe Hulguin, 56-anyos ug residente sa maong lugar.
Gipusil ni Hulguin si Kap. Roberto Cabrera ug ang kauban niining menor de edad nga si Jemsmar Tacbobo dihang miresponde kini human niya sunuga ang iyang payag sa miaging semana.
