CAGAYAN DE ORO CITY – Gikompirmar sa opisina ni City Health Office head Dra. Rachel Dillia nga obligado nga magsul-ob sa facemask ang ilang mga empleyado sa City Health Office ingon man sa health centers sa 80 ka brgy sa syudad.
Kini isip proteksyon batok sa posibleng pagsulod sa presensya sa ‘monkey pox’ o MPOX nga positibo na sa Zamboanga Peninsula.
Namahayag si Dillia nga internal order kini ngadto sa ilang mga empleyado sa CHO ug brgy health centers sa pagsiguro nga ma-proteksyonan ang mga panglawas niini.
Nalatid usab sa memo circular nga obligadong magsul-ob ang mga tawo nga adunay health concern appointments brgy health centers ug CHO ning syudad.
Apan sulti ni Dilla nga pabiling negatibo pa sa kaso sa MPOX ang Northern Mindanao partikular sa Cagayan de Oro ug Misamis Oriental.
Kini ang gipasabot ni Dillia taliwala nga aduna siya’y internal memorandum nga obligadong magsul-ob a facemask ang ilang mga empleyado ug brgy health workers sa dakbayan.
Namahayag si Dillia nga ang ilang gihimo sa opisina tipik lang sa pag-alerto sa katawhan nga magbinantayon ug mo-obserbar sa minimum public health standard aron mapugngan nga masudlan sa viral infection sa MPOX ang syudad ug lalawigan.
Hisayrang ang Zamboanga Sibugay nga sakop sa Region 9 ang pinakaduol nga lokasyon sa mga lalawigan usab sa Northern Mindanao region.
