Nakasaway si Citizen Watch for Good Governance convenor Atty Antonio Soriano sa gihimong pagpanglaparo ni Ang Probinsyano Partylist representative Alfred Delos Santos sa waiter sa usa ka restuarant.
Miingon si Soriano nga dili maayo nga managpa ilabina na kung usa ka, ka Kongresista.
Matud ni Soriano nga posibleng mapapha sa iyang posisyon si Delos Santos kung uganing modusog reklamo ang waiter sa ethics committee sa lower house sa kongreso.
Dugtong pa sa CWGG convenor nga mahimo usab nga ang mga officer sa partylist maoy mohimog lakang aron mapulihan si Delos Santos ilabina na nga naulawan ang ilang grupo tungod sa gipakitang taras sa bagitong kongresista.
