Gikatakdang sugdan og sayo sa alas singko y medya sa buntag ang civic military parade ug marching band competition karong Agosto 27 tungod sa grabeng kainit sa panahon.
Sumala kang City Tourism and Cultural Affairs Officer Marky Jalapadan, gihimo kining desisyon subay sa rekomendasyon sa local school board ug local health board gumikan sa taas kaayong heat index nga moabot sa kapin kon kulang 40°C.
Gidugang pa niya nga kinahangl n mahuman ang maong pasundayag sa dili pa moabot ang alas dyes sa buntag tungod kay gidili ang mga kalihokan sa gawas gikan sa alas dyes sa buntag hangtod sa alas tres sa hapon.
Tungod niini, nanawagan ang maong buhatan sa kooperasyon sa katawhan aron hapsay ug malipayon ang pagsaulog sa tibuok pista.
