CAGAYAN DE ORO CITY – All set na ang ipatuman nga implementation security plan sa Cagayan de Oro City Police Office kuyog ang Task Force Oro soldiers sa ikaduhang State of the City Address o SOCA dungan sa pagsaulog sa ika-74 ka tuig nga charter day sa Cagayan de Oro City ugmang adlawa.
Gipasalig kini ni COCPO spokesperson Police Lt Col. Evan Viñas alayon sa paghatag seguridad sa maong mga kalihukan nga nag-sentro sa pagka-syudad sa Cagayan de Oro.
Namahayag si Viñas nga siento-porsiento na ang seguridad nga ipatuman sa COCPO kuyog ang force multipliers pagsiguro nga hapsay ang pagsaulog sa charter day sa syudad ug SOCA ni City Mayor Rolando ‘Klarex’ Uy sa pagkahapon.
Una niini,nakatutok usab ang Police Regional Office 10 kabahin sa mga aktibidad sa dakbayan sulod ning semanaha.
