CAGAYAN DE ORO CITY – Gikompirmar sa Commission on Elections o Comelec 10 nga andam na ang mga otoridad paghatag seguridad sa pagpahigayon sa May 12 elections.
Kini human isulti ni Comelec 10 regional director Atty Renato Magbutay nga anaa na sa 80 hangtod 90 porsiento ang kaandam sa puwersa alang sa kalihukan.
Miingon si Magbutay nga anaa sa sobra 8-mil ka puwersa ang ikatag sa maong adlaw diin daghan niini ang gikan sa mga pulis.
Gihimo ni Magbutay ang pahayag nunot sa pinal nga panagtagbo sa kapolisan,militar ug mga personahe sa Philippine Coast Guard nga gihimo sa Police Regional Office 10 Headquarters sa Camp Alagar ning syudad.
Hisayrang nagpabiling anaa sa usa ka lungsod sa Lanao del Norte ang anaa sa ‘red category’ tungod sa naghinobrang kainit sa politika.
