CAGAYAN DE ORO CITY – Gisaway sa pipila ka Commission on Elections o Comelec officials ang motibo sa nagpakatag nga adunay tinunto nga nahitabo sa on line voting sa overseas Filipino workers nga nakabase sa nagkadaiyang bahin sa kalibutan.
Kini human unang gi-kuwestiyon sa pipila ka OFWs kung nganong ang ilang gibutaran nga mga kandidato ang wala molugwa sa gi-rebyo nga resibo sa pagbotar apan ngalan sa mga tawo nga wala nila apila pagbotasyon.
Miingon si Comelec 10 regional director Atty. Renato Magbutay nga mas maayo nga direkta idangop sa maong mga hingtungdan ang ilang reklamo sa ahensiya ug dili sa social media.
Kini tungod kay dili daw makatabang ang maong lakang apan makadaot sa kredibilidad sa himoon nga eleksyon sa nasud.
Una nang namahayag si Comelec chairman George Garcia nga ‘encrypted’ ang nahipatik sa mga dokumento nga nahuptan sa OFWs.
Nagpasabot nga kabahin daw kini sa proteksyon aron kalikayan nga dili masabotahe ang kredibilidad sa piliay sa nasud.
