CAGAYAN DE ORO CITY – (update) Otsenta porsyento nang andam ang Commission on Election Northern Mindanao alang sa nagkaduol nga 2019 Midterm Election karong Mayo 13.
Sa interbyu sa Bombo Radyo Cagayan de Oro, gibutyag ni COMELEC regional director Atty. Jay Balisado nga kasamtangan silang mipahigayon sa pagbansay sa mga magtutudlo nga magsilbing Board of Election Inspectors (BEI’s) alang sa fully automated elections.
Tak-upan ang pagbansay sa mga BEIs karong adlaw’ng Sabado.
Kumpiyansa si Atty. Balisado nga mahimong “competent” ang tanan nabansay nga mga BEI’s pag-abot sa adlaw sa piliay.
