CAGAYAN DE ORO CITY – Patutukan sa Commission on Elections o Comelec sa militar ug kapolisan mismo sa 2019 midterm elections ang lungsod sa Claveria ug Lagonglong ning lalawigan.
Kini human milugwa sa ebalwasyon sa security briefing nga kusog ang presensiya sa rebeldeng New People’s Army o NPA nga hayan dakong bahad sa pagpahigayon sa May 13 elections sa probinsya.
Miingon si Misamis Oriental Provincial Election Supervisor Atty Alile Ramirez nga tuyo lamang niini nga dili mabalda ang piliay nga dumalahon sa mga magtutudlo gikan sa Dept of Education o DepEd.
Hinoon,anaa usab sa 450 ka pulis ang gipaubos sa election training aron magamit kon mosibo ang mga magtutudlo gumikan sa ka peligro sa seguridad bisan ubos sa hotspot ang tibuok Mindanao.
